Google ADS

Irani paralajmëron fqinjët pas rastit ndaj Gardës Revolucionare

20:36 | 14 Shkurt 2019
Arbresh.info

Presidenti i Iranit ka paralajmëruar fqinjët që të mos lënë terroristët të abuzojnë me territorin e tyre, pas sulmit vetëvrasës që vrau 27 pjesëtarë të Gardës Revolucionare.

Hassan Rouhani ka fajësuar Shtetet e Bashkuara dhe Izraelin për sulmin e së mërkurës në provincën juglindore të Sistan-Baluchestan në afërsi të kufirit me Pakistanin, transmeton portali arbresh.info.

Por ai tha se Irani e rezervon të drejtën për të ndërmarrë veprim nëse shtetet e tjera në rajon dështojnë të parandalojnë terrorizmin.

Një grup që mendohet se operon nga perëndimi i Pakistanit tha se qëndron prapa sulmit.

Jaish al-Adl (Ushtria e Drejtësisë) ka deklaruar se po lufton për të drejtat e myslimanëve Sunit të Iranit, të cilët ankohen për diskriminimin nga komuniteti Shia.

Grupi ka kryer disa sulme të kohëve të fundit kundër personelit të sigurisë në Sistan-Baluchestan, i cili ka një komunitet të gjerë kryesisht Sunni Baluchi./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm